विश्वयात रोमाञ्चित यानाच्वंगु लिच्वः

विश्वकप २०२६ यात कयाः धायेगु खःसा थुकिया दकलय् तःधंगु विशेषता धयागु थ्व आःतकया हे दकलय् तःधंगु खः । स्वंगू देसय् जुयाच्वंगु विश्वकपय् ४८ टिमं ब्वति कयाच्वंगु ल्याखं थ्व आःतकया हे दकलय् तःधंगु जुइगु स्वभाविक नं खः । थ्व हे कार णं छगू कथंया ग्याचिकु जुयाच्वंगु खः– गनं लिग चर ण कासात भचा म्हाइपुइगु जकं मखुला ? थथे छाय्धाःसा थ्व पालय् ३२ टिम नकआउट चर णय् थ्यनी ।

मुक्कं १२ गू पुचलय् न्हापांगु निगूगु थासय् लाइगु टिम ला स्वतः अन्तिम ३२ य् थ्यनीगु हे जुल, नापं स्वंगूगु थासय् लाःगु न्हापांगु च्यागू टिम नं नकआउट चर णय् थ्यनी । उकिं हे खः, लिग चर णय् म्हो गोल जुइफुगु व अप्वः बराबरीइ क्वचाइगु ग्याचिकु ब्वलंगु । धन्न, आतक थथे जूगु खनेमदु । कोलम्बिया व पानामा दथुइया कासा नापं लिग चर णय् प्रत्येक टिमं छगू छगू कासा म्हितेत क्वचायेकूगु दु ।

उकिया हे लिधंसाय् धायेफुगु खः, गुलि नं कासा जुल– न्ह्यइपुक हे जुल, बांलाक हे जुल । अझ धाये गाक्कं धेंधेंबल्लाः जुल, अले माक्व गोल नं जुल । दकलय् न्हापां समूह ‘ई’ या खं । थुकी जर्मनीं कुर ाकाउयात अःपुक हे ७–१ गोलं बुकल । छगू हे कासाय् च्यागू गोल, गन न्ह्याब्लें स्वये खनि धकाः ? आः विश्वकपय् आतक थ्व हे छगू कासा दकलय् अप्वः गोल जूगु कथं न्ह्यने लाःगु दु ।

थ्व पालय्या उद्घाटन कासा हे स्वये, अमेरिकां नं शानदार सुरुआत यात । अमेरि कां पाराग्वेयात ५-१ गोलं बुकल । अथेहे समूह ‘एफ’ य् स्विडेनं नं ट्युनिसियायात बूकुगु कासाया स्कोर जुल, ५-१ । उलि जक मखु, नर्वें समूह ‘आई’ लय् इराकयात ४-१ गोलं बुकल । नापं समूह ‘एल’य्इं ग्ल्यान्डं क्रोएसियायात ४-२ गोलं बुकल । थ्व ल्याखं धायेगु खःसा गोल मज्जां जूगु दु, उकिं आः गोल मजुल धकाः चिन्ता कायेम्वाल ।

थुपिं हे गोलं याना आःया विश्वकप रोमाञ्चक सावित जूगु दु । खँ उलिं तुं क्वचाइमखु । डिफेन्डिङ च्याम्पियनया ल्याखं अर्जेन्टिनां थ्व विश्वकप म्हिताच्वंगु दु । अले वं थःगु न्हापांगु कासाय् हे अल्जेरि यायात ३–० गोलं बुकल । अले थुकी स्वंगुलिं गोल लियोनल मेसी याकःचां यात । विश्वकपय् मेसीया थ्व न्हापांगु ह्याट्रिक खः । सकसितं अर्जेन्टिना व मेसी यये हे माःगु धयागु मदु, तर थ्व कासां सकसितं लय्तायेका धाःसा ब्यूगु दु ।

प्यदँ न्ह्यःया विश्वकपया फाइनलय् अर्जेन्टिनां फ्रान्सयात बूकुगु खः । थ्व ल्याखं फ्रान्स उपविजेता जुल । आः नं अर्जेन्टिना धुंकाः फ्रान्स हे उपाधिया दकलय् बल्लाःगु दावेदार खः । फ्रान्सं नं आःया विश्वकपय् शानदार सुरुआत यात, थ्व धयागु सेनेगलयात ३-१ गोलं बुकूगु कासा जुल । थुकी केयलिन एमबापे निगू गोल याःगु खः । विश्वकपयात ४८ टिमया च्याम्पियनसिप दयेकेगु फिफाया निर्णययात पाय्छि सावित यायेगु कथं निगू कासाया लिच्वः नं वःगु दु ।

थज्याःगु लिच्वः हःगु निगू अन्डर डग टिम खः, केप भार्डे व मोर क्को । विश्वकपय् डेब्यु याना च्वंगु केप भार्डे स्पेनयात गोलर हित बराबरीइ पन । अले ब्राजिलनाप मोर क्कों १-१ या बराबरीइ म्हितल । अथेला मोर क्कायात बमलाःगु टिम धायेमछिं । व ला कतार विश्वकपय् सेमिफाइनल थ्यंगु टिम खः, अय्नं ब्राजिलं वयाविरुद्धया कासा त्याकीगु अपेक्षा याना वयाच्वंगु खः । तर थथे मजुल । उकिं ब्राजिलया कासायात कयाः नं आलोचना सुरु जूगु दु ।

थथे हे आलोचना पोर्चुगलया नं जुयाच्वंगु दु, छाय्धाःसा विश्वकप उपाधीया प्रत्यासी टिमंडीआर कंगोनाप १-१ या बराबरी जक म्हिते फत । फुटबलय् धायेगु याः, छुं नं विश्वकप सफल जुइत अनपेक्षित लिच्वः नं उतिकं माः । ब्राजिल व पोर्चुगलया कमजोर प्रदर्शन वया समर्थकतय्त मयेफु, तर थुकिं आःया विश्वकपयात धाःसा रोमाञ्चक याःगु दु । थुकिं आःया कासायात उतिकं न्ह्यइपुकी ।

आः तकया लिच्वः कथं स्वम्ह प्यम्ह स्टार कासामि मेसी, एमबापे, नर्वेया इर्लिङ हालान्ड व इंग्ल्यान्डया ह्यारी केन न्ह्यःने खनेदुगु दु । छगू ला उमिसं म्हितूगु हे बांलात, अले उपिं दकलय् अप्वः गोल याइपिं कासामिया निंतिं नं दावेदार जूगु दु । सकसियां अपेक्षाया अःख म्हितूम्ह कासामि धयागु सायद क्रिस्टियानो रोनाल्डो हे खः । पोर्चुगलया नितिं कीर्तिमान खुगूगु विश्वकप म्हितेगु झ्वलय् डीआर कंगोविरुद्ध वं छुं हे यानाः क्यनेमफुत ।

खँ ला गुलि तक जूगु दु कि पोर्चुगलं रोनाल्डो यात पूवकं ९० मिनेट म्हितकूगु खँय् हे आपत्ति प्वंकूपिं यक्व दत । थुपिं खँया लिधंसाय् धायेगु खःसा प्रत्येक टिमया छगू छगू कासा लिपा दकलय् लय्ताःम्ह सुं दुसा व फिफा खः, अले वया नायः जियानी इन्फान्टिनो । धाथें धायेगु खःसा इन्फाटिनोया हे महइभ्वकांक्षां थ्व पालय्या विश्वकपय् ४८ टिम दुथ्याःगु खः ।

च्वमिया मेमेगु

• विश्वकपया न्यागू ‘डार्कहर्स’ टिम